Pag 26

vobis et michi vel vestre rei publice honoris et commodi producere
magnum fructum, de attenta suaserunt audientia vel intelligentia
vos rogari. Sane et cetera.
35. FORMA ENUMERANDE EXPOSITIONIS DICENDORUM
Super tribus exacte deliberationis examen poscentibus non indigne
suasit utilitas et coegit necessitas apud vos consilii salubris deposcere
vel exigere rationem, quorum primum, et cetera. His et similibus
formis attentus redditur auditor.
36. FORMA BREVIS EXPOSITIONIS SUMME FACTI
Omnium urbium, que libertate foventur, sed matris Bononie specialem
conceptam de inimicorum strage letitiam, etsi volatilis fame
proloquio vestris auditibus antelatam, ut tamen nulla narrationis
adultere inficiat enuntiatio veritatem, ad nobilitatis vestre notitiam
descriptione proferimus certiori. Sane et cetera.