cens eos quoque reconciliatione, ut gentes,
indiguisse.
17. Super fundamentum . Fundamentum vocat
fidem, eamdem, inquit, fidem quam habuerunt et
prophetae.
18. Ipso summo angulari . Ordo: summo angulari
lapide existente Christo Jesu.
CAP. III.—1 LANFR. Si tamen audistis . Interruptio
est sententiae usque ad aliam sententiam, quae sic
incipit: Hujus gratia flecto , etc.
2. Factum est sacramentum . Sacramentum hoc de
aequalitate gentium est, cum gente Judaeorum, de
quo supra breviter scripsit dicens: Ipse est enim
pax nostra, qui fecit utraque unum , etc., usque jam
non estis hospites et advenae .
3. Supra scripsi in brevi . Breviter. Scriptum est
superius, ut notum faceret sacramentum suae voluntatis,
instaurare omnia quae in coelis, et quae in
terra .
4. Generationibus . Revelatum quidem fuit prophetis
Veteris Testamenti per gratiam Dei gentes esse
salvandas, sed quod ad aequalitatem Judaeorum
essent venturae ut cohaeredes et concorporales cum
eis fierent, unam et aequalem cum eis haereditatem
habiturae, spirituale corpus, id est, unam Ecclesiam
cum gente Judaeorum facturae aequaliter promissionis
Dei participes, nulli nisi in Novo Testamento revelatum
fuit.
5. Ut innotescat . Absconditi ad hoc ut postea multiformis
sapientia (in hoc quod praemisit patriarchas,
prophetas et apostolos) notificaretur coelestibus
per Ecclesiam, id est, per ea quae geruntur in
Ecclesia.
6. AMBROS. Ut innotescat . Sicut hoc erat occultum
ut nec invisibiles virtutes potuissent hoc scire. Nunc
vero manifestum est per ea quae erga Ecclesiam
facta sunt.
|
|