(IN nomine sancte et individue Trinitatis). Conradus, (divina
favente clemencia, Romanorum imperator augustus). Omnium
sancte Dei Ecclesie fidelium et nostrorum, presentibus scilicet ac
futurorum universitas noverit, quod (Ylarius, abbas coenobii Christi
Martyris Vincencii, siti in territorio Beneventano, super fluvium
Vulturnum, nostram adiens celsitudinem, detulit precepta precessorum
nostrorum imperatorum, et regum [.....], per que contulerunt
ex suis rebus in prefatum monasterium, ac confirmaverunt res,
et possessiones ibi a principibus, ducibus, reliquisque fidelibus
collatas. unde prefatus abbas nos exoravit, ut eadem precepta,
ac legales scripciones, nec non predia per diversas fines regni
Italici coniacencia eidem cenobio collata, per nostre confirmacionis
preceptum, in prefatum locum concederemus, et confirmaremus.
|
|