sint multorum dierum et turpes fide seu credulitate; et cum
dormire, recreari, delectarive voluerit, requirat semper custodes
et si quis in custodia defficiat, puniat eum. Caveat ab alimentis
sumendis de manu mulieris zelotipe, vel de manu cuiuscumque
vilis aut suspecte persone. Et dixit: desiderantes cupiditates
corporales servi sunt sensum, desiderantes spirituales
servi sunt rationis. Et dixit: bonus attendit ad sua vicia et
malus ad suas virtutes. Et obiit uxor sua in terra estranea et
collegerunt tunc se amici, occasione mortis que acciderat in terra
aliena, dicentes ei: frater, inter mortem evenientem in terra peregrina
et propria, est differencia? Qui respondit: a qualibet
parcium idem est incessus ad alium mundum. Et dixit: sit homo
contentus modico in hoc mundo et semper nitatur ad alium
mundum. Et dixerunt ei: que est res delectabilior? Respondit:
illud quod homo desiderat. Et dixit cuidam inveni nolenti addiscere:
o invenis, si non toleres laborem discipline, tolerabis laborem
ignorancie. Et dixit: Deus diligit inobedientem suis malis
cogitationibus. Et dixit: bonum eloquium est melius subterfugium
quod poterit presentari Deo. Et dixit: priusquam alloquaris Deo,
facias opera grata sibi.
DIOGENES dictus caninus fuit sapiencior sui temporis,
abhominator mundi et negligens eum. Nec habebat mansionem
aliquam quiescens in quocumque loco ei noctescebat; nec dimittebat
comedere vel refici quandocumque famesceret aut expediret
sibi, absque verecundia aliqua, sive de nocte sive de die;
et habundabat et erat contentus duabus vestibus laneis; et
hec fuit vita sua quousque decessit. Cui dixerunt: quare nuncupaverunt
|
|