3

Ab Adam usque ad Noe fuerunt anni MMCCXLII, generationes X.
A Noe usque ad Abraam fuerunt anni MDCCCIII, generationes X.
Ab Abraam usque ad David rex fuerunt anni MXXIIII, generationes XIIII.
A David rex usque ad transmigrationem Babillonis fuerunt anni DC. novem, generationes
XIIII.
A transmigratione Babillonis usque ad adventum Domini fuerunt anni D. octo.
Ab Adam usque ad Xristum fuerunt anni M.M.M.M.M.M.LXXX.VI.
Anno CCC ab urbe condita, Roma imperium consulare cessavit, et pro duobus consulibus
X facti sunt, qui summam potestatem haberent. Eodem tempore Magnus Alexander
natus est. Interea Gaio, Aquilio, Floro, Lucio, Scipione consulibus, Scipio consul Corsicam
et Sardineam vastavit, et multa milia inde captivorum ab duxit: triumphum egit.
Anno DCC ab urbe condita, eo tempore Rome puer ex ancilla natus quadrupes, quadris
manibus, oculis quattuor, auribus totidem, naturam virilem duplicem habens; et in bononiensi
agro fruges in arboribus nate sunt.
A Nativitate Xristi usque ad Dei venerabilem cultorem, magnumque imperatorem Constantinum,
fuerunt anni CCLXXXXVII.
DCLXXXVIII. Anno Dominice Incarnationis DCLXXXVIII Pipinus senior regnare
cepit.
DCCXLI. Carulus filius Pipini regnare cepit.
DCCLI. Carulo defuncto, Carulus et Pipinus regere ceperunt insimul.
DCCLVI. Carulus Magnus Romam perrexit.