Petrus de Vinea: Epistole stravaganti e altri componimenti

Pag 357


pro Deo juvate eum modis omnibus, ut potestis, ut sentiat
vestrum levamen, qui devote celebrat nomen vestrum.
Audietis praeterea quod vobis dicet et secundum
quod decuerit et expedierit docebitis eum facere quod
videritis faciendum.
n. 62
Idem eidem excusando se de mora; exprimit causam morae.
Ad negligentiam vel contemptum nobis imputare vos
nolumus, qui exhortati per vos frequenter et moniti ad
curiam sub quadam tarditate venimus. Causam enim morae
felix illa vel infelix Panormitana civitas nobis dedit,
que suis semper male consuevit rispondere hospitibus
et nunc suo pontifici sic respondet, et illorum quos praevenire
credidimus facti sumus [ex] impedimento sequela.
Exercens enim in nos pestiferas vires suas propositum
itineris nostri suo tempore nos prosequi non permisit.
Sed ecce resumptis viribus tarditatem praeteritam praesenti
festinancia redimentes, ad pedes imperatoriae majestatis
accedemus, rogantes ut per vos, quantum licet,
causam morae ad reditum nostrum sciat.
n. 63
Archiepiscopo Barensi Petrus de Vinea et R. Porcastrella.
Nos duo quo vobis unanimes profectuum vestrorum promotio

Torna all'inizio