Petrus de Vinea: Epistolarum libri VI. Tomus II

Pag 90

Tomus II


Cap. LVIII.
Capitaneo, commendans eum quod cepit quendam
rebellem.
Devotionis tuae literas, quas per P. de N.
nuncium tuum, nostro culmini destinasti,
benignitate recepimus consueta:
et intellectis diligenter tam his, quae eaedem literae
continebant, quam his quae idem nuncius
tuus, pro parte tua, nostrae exposuit Majestati:
laudabile studium tuum, et solicitudinem
condecentem, quae circa captionem M. de Burgo:
qui pro anno praesenti in Parma Potestas
extitit, per nostram Excellentiam ordinatus
apposuisti, merito commendantes, tibi duximus
taliter respondendum: quod M. memoratus,
cum uno familiari suo N. nomine, per
nostram Celsitudinem est in Marestalla nostra
receptus, de nostrae Celsitudinis mandato: quem
suprascriptus P. nuncius tuus, cum compedibus
ferreis, et dextra in manu assignavit eidem
P. nuncio tuo asserente, alium familiarem ejusdem
M. nomine G. quem cum eodem M. et
alio famulo suo, ad nostram Curiam per eundem
tuum nuncium destinabas, et de quo tuae
literae faciebant mentionem, per te tanquam
innocentem a Casali revocatum, et ad te remissum
firmiter extitisse, sicun eidem tuis literis
injunxisti.
Cap. LIX.
Eidem, super eisdem.
Solita benignitate recepit nostra Serenitas literas,
quas misisti. Per quas, quia percepimus,

Torna all'inizio