ut extimo, nunquam tam bonus fuit visus in Italia — preter
forte Romanum — neque deinceps videbitur. Remansit quoque
campanile ecclesie maioris mire pulcritudinis maximeque altitudinis
et admirande latitudinis, quale nunquam fuisse dicitur in
Ytalia; quod post paucos dies imperator deponere fecit, quod
super maiorem ecclesiam ruens magnam ipsius ecclesie partem
dissipavit. Laudenses namque preteritorum et innumerabilium
dolorum memores, quos a Mediolanensibus olim sustinuerant,
non solum portam Orientalem sibi commissam ad
destruendum plenarie demoliti sunt, verum etiam de porta
Romana magnam partem prosternant. Et ipso die dominico
olivarum reversus est imperator Papiam; et quisque, qui
cum imperatore Mediolani fuerat, domum reversus est.
Proximo vero die pasche fuerunt Papie fere omnes Longobardie
potestates et quam plures episcopi et marchiones
et comites aliique multi nobiles Ytalie. Fuitque imperator
ea die incoronatus Papie ad missam in ecclesia
maiori una cum serenissima augusta cum magnis solemnitatibus
maximaque leticia, quod ipse imperator a tribus
annis retro minime fecerat. Proposuerat enim, quod nunquam
|
1
5
10
15
20
|