3. LANFR. Hoc enim sentite , id est, humilitatem
et charitatem (quae aliorum sunt quaerentes) habete
in vobis quas in Christo fuisse, et quod Christum
fecisse scitis, quod est: Hoc sentite in vobis , etc.
4. Non rapinam . Quisquis arbitratur se esse
quod non est, quodammodo in ipsa sua opinione
aliunde rapit sibi quod non est.
5. AUGUST. (lib. II Cont. Maximin ., c. 5, tom. VI.)
Non rapinam . Ergo intellige Apostolum ideo dixisse
non rapinam arbitratus est esse se aequalem Deo , quia
non aliorum arbitratus est esse quod natus est; sed
tamen quamvis aequalitatem Dei non fuerit arbitratus
alienam, sed suam, semetipsum exinanivit, non
quaerens quae sua sunt, sed quae nostra sunt.
6. GREG. Semetipsum exinanivit . Semetipsum exinanisse
est, ab invisibilitatis suae magnitudine, visibilem
se demonstrare, ut formam servi tegeret,
quod incircumscripte omnia ex divinitate
penetraret.
7. AMBROS. Sed semetipsum , hoc est dignitatem
suam abscondit, hoc solum enim audientibus esse
existimabatur quod et videri poterat.
8. Formam servi . Quod dixit, Formam servi accipiens ,
exposuit addens, in similitudinem hominum
factus , factus posuit pro habitans, in similitudinem
hominum , id est, in homine.
9. AUGUST. (lib. LXXXIII, Quaest . q. 73, tom. IV.)
Habitu inventus , id est, habendo hominem, inventus
ut homo est.
AMBROS. Humiliavit semetipsum . Usque in hunc locum
illa quae ad divinam naturam pertinent visus
est dixisse. Jam vero ad illa transit quae humanae
possunt aptari naturae.
10. Propter quod . Illis sermonibus qui erant deitatis
tsuadebat nobis humilitatem; de illis vero qui
secundum humanitatem facti sunt, ostendit ipsam
humilitatem lucrativam rem esse.
11. Et donavit illi . Evidens est quod non vocabulum,
|
|