et rebus accedat, moretur et redeat, et nullus audeat vel atemptet
eum in persona vel rebus offendere per se vel per alium; et qui contrafecerit
nostro arbitrio puniatur in personis et rebus, hoc autem de
illis intelligi volumus, qui non essent per nostras constitutiones vel
per nostram Curiam exbaniti, vel alias propter sua facinora diffidati,
nisi et securitatem a nobis et nostra Curia receperint specialem.
[XVIII] Item statuimus quod nullus tabellio scienter conficiat
instrumentum vel scripturam aliquam, nec intersit contractui, per que inferri
posset aliquod preiuditium iurisdictioni seu libertati Romane
Ecclesie sive nostre; et si quis contrafecerit ipso facto, perpetuo sit
privatus offitio notarie et nichilominus penam centum libr. usualis
monete incurrat.
[XIX] Item statuimus quod nullus potestas, vicarius vel iudex
seu alius offitialis in quocumque offitio existens seu etiam advocatus
et quis alius intersit aliquibus consiliis parlamentis aut congregationibus,
per que et quorum occasione posset verisimiliter detrimentum
vel preiudicium aliquod fieri iurisdictioni vel libertati Romane Ecclesie.
Si quis vero contrafecerit, ipso facto ab ipso offitio sit privatus, nec
presumat in posterum uti eo absque sedis Apostolice licentia speciali
vel nostra; et nichilominus penam centum marcharum argenti incurrat.
[XX] Item statuimus quod omnia exaudimenta et diffidationes
bandimenta seu refidationes scribantur et ponantur in quaternis
nostre Curie per notarios nostros; et si in cedulis et non in quaternis
reperta fuerint, pro nichillo habeantur.
[XXI] Item statuimus quod si quis maledixerit aut blasfemaverit
Deum vel Beatam Virginem Mariam in. X. libr. usualis monete condempnetur;
si vero Beatum Petrum vel alios Sanctos et Sanctas Dei,
in. C. solid. usualis monete puniatur. Et quilibet possit accusare
eum, et accusator habeat dimidium dicte pene, et secreto teneatur;
quam penam nisi infra tertiam diem post condempnationem factam
solverit, quarto die publice fustigetur, pena constitutionis felicis recordationis
domini Gregorii pape noni nichilominus in suo robore
valitura.
[XXII] Item statuimus quod quilibet notarius requisitus a quibuscumque
personis teneatur conficere instrumentum super representationibus
quarumlibet litterarum, nec non de protestationibus et
appellationibus coram quibuscumque personis seu officialibus faciendi
seu interponendi; quod si facere denegaverit iusto impedimento cessante
proqualibet vice in XXV libr. usualis monete puniatur; et ab
|
|