atque exinde in … pergens sanctissimam Domini nativitatis
festivitatem celebravit. Igitur ipsa festivitate transacta
imperator Laude reversus est; ac postea in die Mercurii, que
fuit undecimo mensis Ianuarii de millesimo centesimo sexagesimo
septimo anno de indictione quintadecima, a Laude
cum sua coniuge suoque exercitu omni versus Romam profectus
est.
Cum autem ad Bononie civitatem pervenisset, a Bononiensibus
obsides petiit; at illi libenter suo iussui obedientes
de his, quos postulavit, plus de triginta ei cum magna etiam
pecunia obtulerunt. Imperator namque apud civitatem
Parme eos omnes in custodiam haberi iussit. Deinde a Bononia
discessit. Cum vero apud Imolam pervenisset, ibi ab Imolensibus,
quia eos destruere minabatur, et Faentinis et ab
|
1
5
10
|