“revereantur”, “et pereant in seculum seculi”. et quid dicam?
“Domine salvum me fac” propter misericordiam tuam,
quia tu solus altissimus super omnem terram.
Transactis ergo non paucis diebus, supradictus Maio cum aliquantis
fratribus, qui a facie Agarenorum fugerant, veniens Capuam
ad piissimos principes Atenulfum et Landulfum, intimavit
eis desolacionem sui monasterii. isti quippe, idest pater, et filius
tunc Beneventi, et Capue pariter principabantur. nam Gaiderio
annis duobus, mensibus sex, diebus decem et novem Beneventi
exactis, Radelchis filius Adelchis successit. et hic annis tribus,
mensibus octo, diebus viginti et uno expletis Aioni principatum
reliquid. quo similiter decidente post annos sex, Ursus principatus
sedem suscepit. et hic non amplius quam unius anni spacio
amministrato, Sibbaticius straticos cum valida Grecorum manu
adveniens, Beneventum cepit. cuius dominium cum annis tribus,
mensibus novem, et diebus viginti exegisset, Georgius patricius
ei successor extitit. post Georgium vero sequitur Barsacius patricius.
adveniente autem Guido duce et marchione in auxilium
Beneventanis, Greci inde miserrime sunt expulsi, et in Grecias
redire compulsi. dehinc Guido dux prefuit annis duobus, mensibus
sex. et iterum Radelchis annis duobus et dimidio quo
expulso, Atenulfus, qui preerat Capue comes, a Beneventanis invitatus,
|
|