fecit et de illo qui incestum amiserat [ f. , commiserat].
Denique statim ad superiorem sensum, re breviter
interim commendata, redit.
10. LANFR. Deus autem et hunc Quasi diceret:
non in parandis escis et scrutandis ventribus studere
debetis, quia utraque transitoria sunt.
AMBROS. Et Dominus corpori . Subauditur, immortalitatem
ressuscitato praestabit.
11. LANFR. An nescitis quia , etc. Non debetis fornicari
cum meretricibus, quia essetis unum corpus
cum meretrice. Qui adhaeret meretrici, unum corpus
cum ea efficitur. Nam qui adhaeret legitimae
uxori, fit unum, dicit enim Genesis: Erunt, scilicet
vir et uxor, duo in carne una .
12. AMBROS. Qui adhaeret . Hoc dicit: qui contaminationi
admiscetur, unum fit cum eo cui se admiscet.
Fornicatio enim ambos unum facit, ut quomodo
in natura, sic et in macula, unum sint.
13. AUGUST. ( lib. XIV De Trinit. , c. 14, tom. III).
Qui adhaeret . Accedente quidem isto ad participationem
naturae veritatis et beatitudinis illius; non
tamen crescente illo in natura, veritate et beatitudine
sua.
14. Qui autem fornicatur . Quia nusquam sic totus
homo corporis ipsius voluptati addicitur, et ineffabiliter,
vel inevitabiliter afficitur, ut in comparatione
hujus tanti mali, caetera peccata extra corpus esse
videantur; etiamsi per corpus exerceantur.
15. AMBROS. Qui autem fornicatur . Totum corpus
vir est et mulier, quia portio viri mulier est, et vir
per id quod in portionem suam delinquit, in corpus
suum peccat. Vel quia fornicari corporale delictum
est; non enim fit sine desiderio carnis. Caro enim
ibi habet motum proprium.
|
|