LX.
De consanguineo ad consanguineum pro filia maritanda.
Ad vestri memoriam tractatum quem simul habuimus
reducentes, vestram dilectionem deposcimus ut A. filiam nostram
P., de quo mentionem fecimus, vel alteri persona idonee
matrimonialiter copuletis, scientes quod prudentie vestre consilium
imitari volumus et ratum habere quicquid feceritis
in hac parte.
LXI.
Responsiva.
Habens voluntatem et desiderium faciendi quod vobis semper
et ubique debeat complacere, super facto vestre filie maritande,
quod meum reputo speciale, que ad vestram profectum
et honorem pertinent faciam, Domino concedente.
LXII.
Petit clericus remissionem pro collecta.
Viris discretis, honorabilibus et dilectis consulibus et toti
communitati de Pontido, C. clericus eiusdem loci, scholaris Bononie
salutem et prosperitatis augmentum. Erga universitatem
vestram habens omnem quam possum reverentiam et amorem
cum ratione originis, et contemplatione dilectionis tum
prudentie titulis, tum propter vestre merita bonitatis, vos
affectuose ac suppliciter precor multipliciter et instanter, ut
divino intuitu et honore vestro xv librarum collectam a communi
vestro mihi nuper impositam velitis remittere ac debite
|
|