5 Vel sic:
«Cum omnium fidelium iura ecclesia Romana defendat, et
ab indebite molestantibus tueatur, iura ecclesie Signine vos
credimus velle conservare illesa que nullo mediante ad
apostolice sedis iurisdictionem dinoscitur pertinere. Inde
est quod vestre intimamus sanctitati quod.»
6 Consules civitatum sic possunt exordiri quando scribunt domino
pape:
«Cum simus ecclesie Romane fideles et vestro apostolatui
sanctissimo subiecti semper extiterimus et devoti ad vestre
sanctitatis clementiam recurrere non dubitamus quotiens
nos vestros potentes indebite molestant. Noverit igitur
sanctitas vestra quod.»
7 Vel sic:
«De assueta consuetudine apostolice sedis procedit suos
fideles oppressos sue potentie dextera tueri, et eorum iura
inviolabiter observare. Noscat itaque sanctitas vestra quod.»
8 Vel sic:
«Cum universos Christi fideles ecclesia Romana potentie
dextera protegat atque defendat, civitatem Signinam
specialiter a potentibus defendere debet, que semper ecclesie
Romane ac vestre sanctitati fidelis extitit et devota. Hinc est
quod vestre cupimus intimare sanctitati quod.»
9 Vel sic:
«Licet sanctitati vestre clementiam ignoranter offendisse
videamur, de apostolica tamen mansuetudine ac benignitate
confisi que non solum culpis sed etiam peccatis ignoscit, ad
vestre clementie pedes audemus recurrere sperantes vos
nobis veniam de commissis daturum. Quapropter sanctitatem
vestram flexis genibus exoramus quatenus.»
|
|