appellacene remota in eum deposicionis sentenciam non
differant promulgare.
VIII.
Muster aus dem viertel büche.
1. Titel de statutis imperialibus.
Exordium generale ad novas leges constituendas.
Convenit imperiali celsitudini, singulorum excessus
diligentius intueri, et que contra iuris ordinem fiunt imperialis
moderaminis falce penitus resecare, et si quandoque
nova delinquencium genera conpareant, novas leges constituere,
ne transgressores per legum taciturnitatem in malis
actibus valeant aliquatenus gloriari.
De statuto contra illos qui nolunt imperio fidelitatem
iurare.
Ne transgressores malitiose querant subterfugia delinquendi,
statuimus ut omnes qui fidelitatem imperio iurare
denegant consuetam et parere generalibus mandatis recussant
tam diu sint infames quousque ad mandatum imperii revertantur.
De statuto contra milites qui preliantur in
torneamentis.
Intuentes quod torneamenta in quibus milites ad solam
ostentacionem suarum virium preliantur fecere iam plurimos
deperire, hoc generali sancimus edicto ut nullus
miles in arbitrariis torneamentis bellari presumat.
De statuto contra latrunculos et raptores.
Nostre maiestatis auribus est relatum, quod in locis
silvosis et abditis latrunculi et raptores latitant qui die
noctuque spoliant viatores.
Quare universis imperii fidelibus damus potestatem plenariam,
ut ubicunque illos poterunt invenire ipsos absque
pene metu occidant exoculent atque suspendant.
Si quis autem eis impenderit auxilium vel favorem, se
penam consimilem noverit incursurum.
|
|