18

III pontes: unum sub terra et duos supra terra, a porta Spine Albe usque ad portam Calcisanam,
et a porta Parlascii usque ad pontem Sancti Stephani, et a turre Leonis, que est
iuxta portam Sancte Marie, usque ad viam que currit ad hospitale Sancte Marie. Item
similiter fecerunt quinque galeas pro guardia maris. Et Coccus Consul duas turres in portu
Magnali ordinavit et composuit et fontem Sancti Stephani ad portum Pisanum, pro utilitate
marinariorum, ordinavit et muravit, et tres columnas magnas lapideas de Ilba Pisas traduxerunt
usque ad ecclesiam Sancti Iohannis. Item fossam magnam in Lepoiane fecerunt
ab Toraia usque prope Petraia de Tufi, que fuit pertike mille quingenti. Eodem anno,
ordinaverunt et fecerunt treguam cum Consulibus Lucensium, in mense Iunio et Iulio et
Augusto in X annos inter Pisanos et eorum amicos et socios et Comitem Guidonem, et Senenses
et Pistorienses et comitem Albertum de Prata ex una parte, et Lucenses et eorum amicos
et socios Florentinos et Pratenses et capitaneos et Garfagninos ex alia parte. H uius treugue
fuit sententia recta et data in vigilia Assumptionis Sancte Marie per Consules Pisanos et
Lucenses, in comuni parlamento Pisanorum, et in comuni parlamento Lucensium.
Item suprascripti consules Pisani et Lucenses ordinaverunt et fecerunt pacem in annis
XX, inter comitem Guidonem, et Pistorienses, et comitem Albertum de Prata, et Senenses
ex una parte; et Florentinos, et Pratenses, et Capitaneos, et Garfagninos ex alia parte. Sententia
fuit data et lecta in die Assumptionis Sancte Marie, et secundo et tertio die per Consules
Pisanos et Lucenses, apud Sanctam Vivianam et Ripafractam, in presentia suprascriptorum
amicorum utriusque partis. De qua treugua et pace Pisani magnum habuerunt honorem
et laudem et gratiam per omnes eorum amicitias et bonam famam per totam Tusciam.
Eodem anno, XV kal. Septembris, Consules miserunt Pellarium Consulem cum comite Gerardo
et Curtevechia, et nobilibus militibus Pisane civitatis et cum sagittariis et edificatoribus
in auxilium Imperatoris Frederici, in obsidione Mediolane, qui maximam expensam et guarnimenta
fecerunt; quos imperator cum toto suo exercitu cum gaudio magno recipit et tenuit;
et sexto idus Septembris Mediolanenses imperatori Frederico se reddiderunt, et sic omnes
nostri cum gratia et bona voluntate Imperatoris, et laude et honore, Pisas redierunt sexto
kalendas Octubris.
A.D. MCLVIIII, in mense Iunio. Fredericus Romanorum imperator venit cum magno