Avunculo nepos.
Habet sibi ignis insitum, ut quanto eidem maioris pabuli habundantia
ingeratur, tanto fortius inardescit et valentius vehementioris flamme emittit
aculeos. Parabola hec est: senes quanto amplius vergunt ad senium,
tanto, proh dolor, amplioris avaritie vitia colligunt, quasi vivere non credentes,
liberalitatem eiciunt et tenacitatem admittunt. Quare, consulo
quantum possum, quatenus domino meo unam pulchram litteram dirigatis,
per quam intelligat vos egere aliqua pecunie quantitate, in qua ipse
noscitur debito manifestus.
… avunculus.
Pellis camuscii ad egentis vota flexibilis vestrarum tunica manuum
sub figura transmittitur, ut, per sue convertibilitatis instantiam, ad eius
mandata qui recipit missorem flexibilem representet in misso, et tamquam
vestrarum extremitatum hospitium, quarum fateor me facturum, veniat
a transmittente tributum.
|
|