deargentatis, et Epistolarium domni Oddonis argento ornatum,
et alium quem fecit domnus Romanus bonę memorię et Orationalem
cun tabulis eburneis. item, libros .IIII. opertos pallio,
videlicet Missales .II. et Textum evangeliorum atque
Epistolarem. item, calices .VII., turibula argentea tria, capsulas
argenteas .IIII. cum cocleariis suis, amulas argenti tres, unam
earum opertam auro, patenas argenti duas, gallum argenteum, scutellam
argenteam, situlam argenteam aquę benedictę, argentum
quod remansit a cruce, nuscam auream fęmineam, stellam argenteam
et cristallinam luciferam valde bonam. item, vestes .IIII.
altaris principalis; primam ei dedit domnus Heinricus imperator,
secundam dedit prędicta regina,tertiam antiquam Pentecostis,quartam
fecit domina Raimburga filia Longini, et mappulam super
altare valde bonam quam fecit Totadomna ancilla Dei. item,
vestes .IIII. altaris domini Salvatoris; primam prędicti domini H[einrici]
regis, secundam prędictę reginę, tertiam pallium rotatum
prędicti abbatis Beraldi, quartam pallium cum leonibus. item, planetas
.XIII., pluviales .XIII., dalmaticas .II., tunicas .XX., telam pallii
.I., brachia pallii .III., crumenam .I. imperialem quam ei donavit
prędictus
He[inricus] imperator quę fuit optima. item, frigium
non modicum vestis prędicti imperatoris et aliud ex diversis vestibus.
item mitram .I., virgas pastorales .II., vexilla .II., offertoria
.VIII., camisiales .C., stolas .VI. cum manipulis suis textas auro,
unam earum cum squillis aureis, et semicintium cum squillis aureis,
et manipulum similiter, et alias stolas cum manipulo, exceptis
aliis .XXIIII., dorsalia pallii .II. iuxta altare, tapetia .XV., bullam
auream .I. in pręcepto quod fecit huic ecclesię prędictus H[einricus]
imperator bonę memorię. omnes suprascriptas res et alia plurima
ornamenta pręlibatus domnus Beraldus abbas in hac reliquit
ecclesia, quę nobis non reducuntur ad memoriam.
Sepulto itaque pręfato domno Beraldo abbate, ab omni conventu
electi sunt .XII. fratres, videlicet pręsbiteri .IIII., diaconi .III.,
subdiaconi .III., acoliti .II., qui de novi abbatis persona fideliter
tractarent, hi sibi invicem per librum sanctę Regulę et per
fidelem spoponderunt pacem, quod de abbatis eligendi persona