Iohannes Monachus: Chronicon Vulturnense, II

Pag 268


rursum Iohanni abbati eis reclamavit eundem [.....] suprascripto
sermone. tunc predictus Raynaldus, qui et comes respondit:
“Noli Deus, ut suprascriptam cellam, que et monasterio Sancte
“Marie contravi, neque contrare permisi”. tunc suprascripti iudices
iudicaverunt, ut predicto Raynaldo comite refutaret iam dictam
cellam suprascripto abbati, eiusque cenobio Sancti Vincencii.
et mox Raynaldus comes apprehendit virga[m] manu, et consona
voce refutavit eundem monasterium ad suprascriptum abbatem, et
suis successoribus im perpetuum, cum omnibus suis rebus, servis
et ancillis, vineis et terris, montibus et collibus, planis et planiciis,
rupibus et fontibus, molendinis et piscariis, rivis, aquis
aquarumque decursibus, omnibusque suprascripto monasterio Sancte
Marie generaliter, et im perpetuum pertinentibus. et super hec
spondeo, polliceor vobis, vestrisque successoribus omni tempore
ego una cum heredibus, et successoribus meis, vobis, et vestro
monasterio semper defendere, adiuvare, et in omnibus auxiliare
suprascripto monasterio Sancte Marie conavero ab omni insurgente
pars hominum. et si hoc non fecero ego, vel heredibus meis, tunc
de auro nos promittimus componere auri purissimi libras centum,
medietatem Camere sanctissimi imperatoris, et medietatem vobis
et monasterii Sancti Vincencii. in qua in ibidem vim virtutem
fecerunt, et eicierunt monachi eiusdem loci, foras miserunt, et suorum
filie ibidem velaverunt, intuitis eos predicti iudices recompensaverunt,
dicentes hec: “Cur tam incestam vobis dedit licenciam,
“ut suprascripto monasterio invasissetis, et sine nutu Dei, et voluntate
“nominati abbatis monachos foras eiecissetis, et velatas
“mulier[es] introduxissetis?”. Quibus illi respondentes dixerunt:
“Domine, scimus autem, quia iniuste et irritam fecimus; sed si
“placet vobis, hoc, quod iniuste fecimus, refutamus, et ob hoc
“suprascripta pena obligamus nos nostrisque heredibus”. et statim

Torna all'inizio