inducentes: ita, quod desiderium nostrum
in erectionem novi pugilis, admodum
mirabantur. Angebat nos tamen universalis
mali compassio, et firma fiducia, de substituendo
pastore pacifico delectabat. Quaproter
sicut te latere non credimus, nostros reseravimus
carceres, quos, in vestrum exterminium
temere navigantium, copia repleverat
Praelatorum: exercitus solvimus, quibus urbem,
urbium caput, prae foribus cinxeramus:
fratres per diversa loca dispersos,
in unum reduci, parata viarum securitate, curavimus,
ut Ecclesiae de pastore liberius, nobis
et mundo facilius de pastore providerent.
Quorum votis in istum summum pontificem,
inspiratione divina, sicut nostra tenere debet
opinio, concordatis, gavisi sumus gaudio magno
valde, probabiliter aestimantes orthodoxam
et universalem Ecclesiam, radio novi
luminis illustratam: Romanum Imperium nova
justitiae lege, generatione laetatum,
quod de se filium genuit, quem et patrem orbis
et fidei fore, merito gloriatur. Igitur offerentibus
nobis, cum personae meritis, tum
innocentiae nostrae justitia, prorsus indubitabilem
spem de pace, cursim ad ipsam processimus,
offerentes eandem [ad honorem
Dei et Ecclesiae], priusquam praestolaremur
oblatam. Demum qualiter non solum
nostra, sed omnium sit expectatio, proh
dolor, personarum ac temporum iniquitate