13. Primogenitus ex mortuis , id est, primus resurgens,
quia ipsa resurrectio quaedam generatio est,
sicut in Evangelio: In regeneratione cum sederit ,
etc.
14. AMBROS. Ut sit in omnibus . Non causam dicit,
sed illud quod consequebatur.
15. Quia in ipso . Plenitudinem Dei Ecclesiam vocat,
et dicit, quoniam placuit Deo in Christo omnem
plenitudinem, ut dicat omnem creaturam quae
ab eo repleta est, probavit illi conjungere, et hoc
latius consequitur.
16. LANFR. Complacuit in ipso . Complacuit sibi
Pater, ut in Christo habitaret omnis plenitudo tam
divinitatis quam omnium virtutum.
17. Per sanguinem crucis . Qua hora sanguis redemptionis
de latere Domini in cruce pendentis exivit,
dimissum est peccatum Adae humano generi, et
pacificata sunt coelestia et terrestria, quia tunc
patuit hominibus introitus in regnum coelorum.
18. Alienati , id est, habentes alienatum et inimicum
consensum.
19. AMBROS. Quod praedicatum . Grave admodum
erat ut discederent ab illa re quae in communi ab
omnibus clamabatur.
20. LANFR. Qui nunc gaudeo . Duplici causa commendat
se, quia patitur, et gaudet in passionibus pro
eis illatis.
|
|