manere. et in illo durissimo lapide sunt vestigia Moysi. nam. quum Deus
loquebatur Moysi. tunc ipse Deo dixit Ostende. Domine. faciem tuam michi
et Deus respondit: Non videbit me homo et vivet. Unde Moyses timens
abscondit se in caverna illa et totam personam suam in lapide impressit
et caput suum similiter: ille enim lapis. qui est durissimus. cessit ad modum
cere: et ego intravi cavernam illam et cum persona infixi me in illa impressione.
que est sculpta ad modum persone hominis. et de illo lapide ego
recepi cum magno labore.
Juxta illum lapidem magnum. est una pulchra capella et ornata.
quam monachi monasterii custodiunt. et est ecclesia magne devocionis:
ibi enim Moyses stetit in contemplacione et oracione.
Juxta illam ecclesiam ad X passum. est una caverna. que est valde pulchra
et parva: in illa caverna stetit Moyses XL diebus et noctibus
jejunando: in illam intravi et oravi devote.
Sed super illum montem beatissimum prope ecclesiam seu capellam ad
Xij passus. est una execrabilis mosceta Saracenorum. quam. ut vidi.
multum dolui. sed. peccatis notris exigentibus. Deus permittit bona malis
immiscere: est parva mosceta. Ille mons Synay altissimus est et difficilis
in ascensu. et desuper habet parvum spacium minus. quam homo posset
semel jacere cum manu. sed ibi fieret inexpugnabile castrum. et est una
cisterna super illum montem. de qua ego bibi. Deinde. descendentes de hoc
sacratissimo monte Synay. ab alia parte montis difficulter descendimus et
ad quandam vallem pervenimus. in qua est unum pulcrum jardinum seu
ortus. qui irrigatur ab uno fonte et est plenus vineis. arboribus. olivis. et
ibidem permanent quatuor calogeri dicti monasterii ad custodiam illius
jardini. et ibi recipiunt omnes peregrinos et dant eis comedere cum ilaritate
et devocione. Ibi pernoctavimus: de mane autem ascendimus alium
montem altiorem montem Synay cum magno labore. et dum super illum
montem ascendimus. pervenimus ad summitatem ejus. in qua ab
angelis fuit portatum corpus beate Katherine de Alexandria usque illuc.
que distat per quingenta miliaria.
|