CAP. I.—1. LANFR. Paulus non ab hominibus ,
etc. In aliis Epistolis data salute, statim incipit a
gratiarum actione; hic autem non, neque enim tales
erant, unde redderet.
2. AUGUST. ( Exposit. capitis primi in Epist. ad
Galat. , tom. IV). Non ab hominibus . Qui ab hominibus
mittitur, mendax est; qui per hominem [ add.
mittitur] verax esse potest: quia Deus verax potest
per hominem mittere. Priores ergo apostoli a Deo
per hominem missi sunt, per Jesum scilicet adhuc
mortalem. Novissimus Apostolus per Christum, jam
totum Deum, id est, omni ex parte immortalem. Sit
ergo ejus aequalis auctoritas in cujus honorem implet
clarificatio Domini; si quid habeat ordo temporis,
minus ideo, cum dixisset et Deum , addidit: qui
suscitavit illum .
3. AMBROS. Non ab hominibus . Idipsum dicens
dividit, ut ostendat ipsa multitudine narrationis,
nullo modo illos verum dicere.
4. LANFR. Non ab hominibus . Quidam putabant
illum non esse Apostolum missum a Christo, sed ab
aliis apostolis, aut ab Anania; hoc abnegat, ut majoris
auctoritatis sit apud eos, quibus verbum Dei
praedicabat.
5. AUGUST. ( ibid. ). Gratia vobis et pax . Gratia Dei
est, qua nobis donantur peccata, ut reconciliemur
|
|