flumen Adue, ut ipsum pontem destruerent. Quem maxima
vi ab eis captum partim combusserunt partimque in aquam
proiciendo totum dissipaverunt, capientes aliquos de his,
qui pontem custodiebant, ceteris fugiendo evadentibus.
Sequenti vero die Martis, in quo fuit festivitas sanctorum
Firmi et Rustici et vigilia beati Laurencii, factum est prelium
inter imperatorem et Mediolanenses apud Carcani castrum
atque etiam Brixiensium equites, qui in occursum Mediolanensium
illuc iverant. Ad cuius castri obsessionem Mediolanenses
iverant in ultima ebdomada istius mensis Iulii ibique
castellum magnum ligneum atque manganos construxerant
ad castrum ipsum Carcani capiendum, quod ex parte erat
imperatoris. Quapropter imperator sanctissimus cum suis fidelissimis
ad auxilium illorum de Carcano iverat, cum paucis militibus
Papiensibus et cum equitibus et peditibus Novarie atque
cum Vercellensibus et Cumensibus et parte illorum de Seprio
et Martexana et cum marchione de Monferato et comite
|
1
5
10
15
|