Deinde in sequenti die Martis, cum imperator castra ultra
flumen Vetabie ab ipso flumine usque ad ecclesiam sancte
Marie, que dicitur de Ugion, per totos campos ab utraque
parte vie, que vadit ad Mediolanum, iam posuisset, iverunt
Teutonici invadere Mediolanum fere usque ad cassinum Tomadi.
Mediolanenses itaque foras exeuntes preliumque secum
inientes, quam plures ab utraque parte capti ac mortui sunt.
Postea vero sequenti die Mercurii, que fuit in millesimo
centesimo LVIII anno indictione sexta et que fuit tunc
sexto die mensis Augusti, equitavit dominus Fredericus
imperator una cum rege Boemie et Cremonensibus atque
Papiensibus seu Laudensibus aliorumque principum maxima
copia super Mediolanum. Castrametatus est itaque in
ipso Mercurii die ipsemet imperator apud ecclesiam, que
dicitur Omnes Sancti, que est ecclesia Templi, et extat
ipsa ecclesia in capite brolii iuxta ipsum brolium. Rex vero
|
1
5
10
15
|