sic error apparet maior in corpore irascentis. Et vidit quendam
peditem iusequi latronem et dixit: miror qualiter publicus
privatum prosequitur. Et dixerunt quidam: ad quid non emis
domum in qua quiescas? Respondit: quiesco quia domo carco.
Et vidit quandam pulcram mulierem et dixit: modicum boni et
plurimum mali. Et dixit Alexandro: non aprecieris te, rex, ob
tuam pulcritudinem, nec propter pulcrum vestitum, nec ob tuum
pulcrum equitare; sed coneris appreciari te propter bonitatem
et liberalitatem que in te consistant. Et dixit: quando reputaveris
pro malo quod videris in altero, caveas ne tale in te existat.
Et dixit: cum videris canem dimittere dominum et te sequi, prohibeas
eum cum lapidibus quia relinquet te sicut relinquit
dominum suum. Cui dixerunt: qualiter comedis in platea? Respondit:
quia in platea famesco. Et vidit quendam orantem Deum
ut concederet sibi sapienciam; cui dixit: non ores propterea sed
coneris ad discendum pocius. Et dixit: in qualibet virtute
humana est utile magis consequi, nisi in locutione. Et dixit:
commendare aliquem super eo quo caret est inhonestum et turpe.
Et erat quidam pictor tempore quo, qui factus est physicus; cui
dixit: existimo, quia scivisti quod error picture patebat oculo et
error medicine latebat sub terram, propterea, omissa pingendi
arte, factus es medicus. Et vidit quendam formosum facie, tamen
ignarum; cui dixit: o quam bona domus, et malus hospes! Et
vidit quendam inscium stantem super lapidem; cui dixit: lapis
super lapidem. Et consueverat dehonestare odientes scienciam.
Et quadam die ascendens in altum locum clamavit: o vos omnes,
convenite; et convenientibus dixit: non vos voco, immo homines.
Et quesiverunt: quid sunt divicie? Respondit: abstinere a
cupiditatibus. Et quesiverunt: quid est amatorium? Respondit:
|
|