Sicardus Cremonensis: Chronica universalis

Pag 154


finem vite suscepit anno Domini DCCCXIIII, anno regni sui et imperii XLVI, subacte Ytalie XLIIII,
etatis sue LXXII. Cuius XII fuerunt precipui pugnatores: Rolandus, Olivarius
cum sociis suis. Duos reliquit filios, Lodoicum regem Equitanie et Pipinum regem
Ytalie. Huius temporibus claruerunt Alcuinus Karoli capellanus, Stephanus sanctissimus
venerabilis vite Cremonensis episcopus et Rotaldus Veronensis episcopus,
qui cum Pipino rege Ytalie transtulit corpus sancti Zenonis ad ecclesiam, quam edificaverunt
et multis possessionibus dotaverunt.
Anno Domini DCCCXIIII. Lodovicus Karoli filius aput Romanos cum Lothario filio suo
regnavit an[nis] XXV. Audita namque morte patris de Equitania veniens Aquisgrani per
consensum principum adeptus est imperii principatum. Aput quem Leo papa de impositis
criminibus per nuntios se purgavit. Aput Constantinopolim vero Leoni, cum regnasset
an[nis] VIII et men[sibus] VI, successit alius Michael, qui regnavit an[nis] VIII et men[sibus] VIII.
Cui substitutus est Theophilus filius eius, qui post mortem patris regnavit an[nis] XIIII et
men[sibus] III. Leoni pape successit Stephanus, qui Lodovicum, ut quidam dicunt,
inunxit. Huic Lodovico Ytaliam ingresso beatus Iohannes Baptista in visione apparuit
in territorio Sabinensi precepitque, ut edificaret ei ecclesiam; quod et fecit ubi dicitur
Argentella. Hic regna potenter optinuit usque ad Farrum. Hic tres filios habuit,
Lotharium, quem consortem fecit imperii, Karolum, quem ducem fecit Equitanie, Lodovicum,
quem ducem instituit Baiguarie. Hic Lodovicus augustus, ut nobiles alliceret ad
clericatum, clericis licentiam dedit vestibus preciosis utendi et divisas domos
habendi. Huius temporibus Heroldus rex Danorum cum suo populo venit ad fidem.
Eiusque temporibus, scilicet anno Domini DCCCXXIII, corpus beati Marci translatum
est de Alexandria Venecias. Stephano pape successit Pascalis, qui potestatem
Lothario, cum in Ytaliam venisset, super populum Romanum vivente patre concessit.
Post Pascalem Eugenius, qui librum penitentialem conposuit et in Franciam misit. Post
Eugenium Valentinus. Post quem Gregorius, qui ecclesiam [beati] Marci, quam tempore sui

1



5




10




15




20




25
Torna all'inizio