: Formularium florentinum artis notariae

5


presentes, hoc est addendum: item dictus I. promisit
eidem se facturum et curaturum ita quod talis eius
sotius, vel alius, dictam solutionem habebit et tenebit
ratam et firmam, et contra non veniet; et si litigaverit,
in causa vel extra, ab eo et eius heredibus et omni persona
pro eis defendet et expediet et liberabit, et conservabit
ipsum et eius heredes indempnes sub eade[m]
pena; et post firma et cetera.
DE ABSOLUTIONE HOMINIS ET COLONI ET VENDITIONE
RESEDII ET TERRARUM.
In Dei nomine amen. Dominus Guido comes Tuscie
palatinus, se suosque heredes et bona ad infrascripta
omnia et singula observanda in solidum obligando, per
hoc absolutionis instrumentum, iure ac rite confectum,
in presentiarum absolvit et liberavit, finivit, refutavit
pactumque de non ulterius vel plus petendo fecit,
modi[s] omnibus renumtiavit, et ab omni dominica potestate
et sua iurisdictione, placito et districtu penitus dimisit
P. et I. fratres et filios quondam I. de tali loco, homines
et colonos ac fideles suos cum resedio infrascripto, in
quo pro eo residebant, et omnes filios et filias et descendentes
eorum, et cuiuslibet eorum, et uxores tales usque
in infinitum, ab omni videlicet nexu et vinculo conditionis
et obligationis colonarie, ascriptitie, sedentitie,
manentitie, perpetue, originarie, inquiline, seu alterius
cuiuscunque conditionis aut obligationis seu vinculi, vel
alia qualibet[causa]cuiusque generis et conditionis sit,
quibus ei aliquo modo vel iure, sive usu, erant vel videbantur
abscripti; nec non ab omnibus servitiis et usurariis redditibus,
maltollectis, operibus, prestationibus, pensionibus,
datiis, adcaptis, albergeriis, guaitis et squarguaitis,
et reverentiis et servitiis castellanis, et omnibus aliis et
singulis que ei dabant vel prestabant vel faciebant aut
reddebant, vel dare aut facere vel prestare debebant,
aut ab eis vel altero eorum accipiebatur vel exigebatur,

Torna all'inizio