in Loco Sano, ubi Aieltruda abbatissa regimen tenere videtur casalem
meum, quem habeo in Canosa, qui vocatur Doliolas, quem
da Ferrandello et da Vuilefaro et da filie Lupuni emptum habui,
et quem da Racauso concambiatum habui, casas, terras, vineas, oliveta,
campos cultum vel incultum, excepto mobile quem ad mea
reservavi potestate, nam alia tota, qualiter superius scriptum est,
de ipso casale in integrum offerui in ipso sancto monasterio, et
ipse terre ad Sanctum Marcum, ut habeat et possideat in ipso
iam dicto monasterio, ut neque a nos, neque ab heredibus nostris,
neque a nullo quempiam homine numquam habeat aliquando aliquam
requisicionem, aut reprehensionem, sed sicut supra descriptum
est perpetuis temporibus securiter et firmiter habere et possidere
valeatis. Quam enim cartulam offercionis, ut firma permaneat,
scripsi ego Hilpericus nomine, manibus meis, hanc cartulam offercionis,
in monte Mariano, mense et indiccione suprascriptis, feliciter.
PRETEREA apostolice Sedis summus pontifex Paschalis eundem
magnificum patrem Iosue ita sibi familiarissimum, amico sepe
utebatur consilio, et Romane Ecclesie necessariis rebus adiutorio,
ut cum a supradicto imperatore Ludovico pactum confirmacionis
acciperet, sicut in pontificali eiusdem Ecclesie Romane scriptum ||
repperi, inter reliquos Francie abbates eum adesse pro parte Sedis
apostolice voluisset. cui eciam redeunti, vice dileccionis atque
graciarum, quedam insignia cum huiusmodi privilegio contulit.
PASCHALIS Episcopus servus servorum Dei. viro venerabili Iosue,
abbati ex monasterio Christi martiris Vincencii, quod
situm est super Vulturni fluminis fontem, partibus Samnie, territorio
|
|