(In nomine domini Dei et salvatoris nostri Iesu Christi.) Pipinus
cuncta regum imperatoria moderamina divina celitus preordinante
gracia, cui universi orbis potestates subiciuntur, abenas
<retinens> Francigene gentis, rector urbis Rome Augustus. Cum
innumerabili expedicione per Liguriam atque Emilias partes ac
Adriacas urbes peragrans, in Pinnensem atque Apruciensem deveni
terram, ibique de statu ecclesiarum populique iure interrogando,
percontatus emendanda emendavi. inter hec fama preclari martyris
Vincencii, et religione et multitudine confratrum, sepe per
totam Europam divulgabatur et miribatur, quippe martir carus Deo
dupplicis elementi passus penas, quo terra eius corpus venerari pro
meritis eiusque anima Dei gloria coronanda. qua de causa, Authpertus
eius monasterii abbas, patris mei Caroli liberalibus studiis magister,
ad nos quatuor monachos et vita et moribus laudabiles
|
|