recognoscit et dominam, opportuna subsidia,
et auxiliaria juvamenta, ut de terra
sua et aliis terris fidelium sibi genti suae possit
opportune et celeriter in necessitatibus subveniri;
et si expediat sucurri etiam auxilio
personarum, convertet se ad viciniores hostes,
et contra eos potissime, quorum status integre
magis propter vicinitatem Christicolarum exprobat
aspectum, et fidei orthodoxae ...
.............. Cepimus ergo hac consideratione
terram in partibus Barbariae in districtu
regis Tunisii, ubi est major totius fere paganismi
potentia, ibique statim in ipso descensus
nostri primordio quoddam castrum populosum,
quod Alcolium dicitur, nobiscum semper Divinitatis
assistente potentia, per violentiam occupavimus.
Ibi rex noster stat tutus inconcussibilis,
et ab Arabia tota securus, nec metuit
ipsum ullo unquam tempore perdere, quod
jam ad honorem fidei et Ecclesiae perpetuo
habitari Christianis asseruit. Demum, pater,
audite miranda opera Dei clementiae; attendite
qualiter omnipotentia nostris principiis prospere
aspiravit. Pridie, pater, omnes vires Arabiae
contra nos fuerant deliberate congestae,
ac equitum multitudo, velut arena maris, quae
dinumerari non potest, versus castrum Alcolii
hostiliter venire jam ceperat, credens totum
sine resistentia nostrum statim exercitum absorbere.
Sed nos relatione hominis hebrei,
nobis forsan coelitus occurrentis, accessimus
armis accinti ad quemdam passum arctum,
per quem non congregatim, sed singulatim venire
ad nos poterant Saraceni, et quot volumus
de ipsis Arabibus transire permisimus. Tandem
ora passus invasimus, nec ultra passi sumus
citra venire; omnes ergo quos citra passum
invenimus, gladiis nostra dextra compressit,
ita quod canum facta est strages, quod
plusquam decem millia Dei jussu nostris manibus
corruerunt. Sed ecquis tam eloquens
tantam illius diei cladem, Africae caedes caninas,
et funera barbarorum valeat explicare?
Certe omins tum campus madebat sanguine occisorum,
nigrum colorem ex superjacentibus
corporibus superficialiter induens, abdicato viridi
naturali. Haec sane propter tam grandia,
tamque plena prodigiis, tamque pro fide famosa
vix evenire possunt sine numine Deitatis,
aut absque motu et voluntate celestium
non contingunt. Recurrit ergo rex .........
ad subsidia matris suae romanae Eclesiae,
cujus negotium proculdubio geritur, quoties
per reges catholicos contra infideles nominis
christiani aliquis sit processus, ejusque matris
suae auxiliatricem dexteram suppliciter advocat
et implorat, et petens, ut ea, quae Sedes
apostolica per tempora didicit indulgere principibus,
pro redemptione Sepulcri dominici transfretantibus,
et in subsidium Terrae sanctae,
regi nostro et de jure debita pro eo, quod in
servitium Dei et Ecclesiae tantum sine alterius
|
|