fructus. qui ad preces beati Sabadyon. discipuli beati Jheronimi. virtute
divina ibi oritur. et de illo fonte nunc bibunt monachi et omnes illi. qui
habitant in illis partibus silvestribus. quia multum est necessarius. eo quod
Jordanis distat per magnum spacium a monasterio. Ego vidi illum fontem
et ortum intravi et fructus valde bonos comedi.
Et nota. quod in isto Mari Mortuo invenitur bitumen collectum de fundo
ipsius. quod. vento agitante. ad litus tollitur in magna quantitate. et est
medicinale et est fortissime. ut non solvatur nisi menstruo sanguine. et
appellatur glutum judaice. unde et Mare Mortuum dicitur Lacus aspalti
sive bituminis appellatur. unde Jheronimus in sua epistula utitur isto vocabulo. dicens in prologo: Frater Ambrosius Cristi glutino copulata.
De Jherico ad quinque miliaria versus meridiem. super montem. est
civitas Hay. quam expugnavit Josue. quum transivit Jordanem cum
populo Israelitico. rege civitatis interfecto. ut habetur Josue. Ista civitas
nunc est dirupta. sed apparent vestigia ejus. que ego vidi. De Hay. ad tria
parva miliaria in eodem monte versus occidentem. est civitas Bethel. que
Liz. Luza. dicebatur. in qua Jacob vadens fugit a facie Esau. fratris sui.
et lapidem capiti supponens dormivit et vidit scalam attingentem celum
et angelos ascendentes et descendentes per eam et erexit ibi lapidem in
titulum et appellavit nomen loci illius Bethel: et subtus in valle. est sepulcrum Debbore. matris Rebecce. Hec civitas nunc est destucta: solum
apparent vestigia. In hac civitate. habitavit Jacob longo tempore et. ut
quidam dicunt et credunt. quod Jherusalem sit Bethel vel Luza. male
dicunt et credunt. cum certissime probabo per Scripturam. quod Jherusalem
non est Bethel. Legitur enim in tertio libro Regum. Xijº cap. quod
Roboam. filius Salomonis. quod. propter malum responsum quod fecit
populo. perdidit X tribus et solum due scilicet Juda et Benjamin remanserunt.
et Roboam. filius Nabath. regnavit super X illas tribus et. ut populus
non adoret in Jherusalem. ubi dominabatur Roboam. et non recederet
ab eo. fecit duos vitulos aureos. quos posuit unum in Dan in