Ugo Pedonus de Bagno, Philippus Cagnolus. Et multi alii de parte Manfredorum fuerunt
capti et ducti Forlivium, ubi steterunt in prexonia per duos annos et plus. Sed, occasione
cuiusdam tractatus pacis, et concordie facte inter Ravennates et Cesenaticos et comune
Forlivii, relaxati fuerunt.
Et tunc illi de parte Acharixiorum, qui habebant dominium civitatis Faventie, elegerunt
duos potestates de civitate Forlivii, qui intraverunt potestariam et regimen civitatis Faventie
die sabati XXI mensis aprilis predicti. Et fuerunt potestates, per unum annum, dominus Superbus
de Argoglosiis, dominus Tebaldus de Ordelaffis, simul et semel uno anno.
Et, eo anno, in die mane festivitatis sancti Iohannis Evangeliste, que est immediate post
festum Nativitatis Domini, inventus est mortuus in camara dominus Iacobus de Petrella episcopus
faventinus, quem suffocaverunt familiares sui. Eo vero anno multa et magna prelia
fuerunt, in civitate Bononie, inter illos de parte Lanbertaciorum et illos de parte Geremiorum,
et multi homines fuerunt ibi mortui, et incendia magna per civitatem Bononie facta et posita
ad domos. Demum, quodam die sabati secundo intrante iunio, illi de parte Lanbertaciorum,
timore guarnimentorum, que venerant in auxilium Geremiorum de civitate Ferarie et
Mutine et per comitatum Bononie, aufugierunt et exierunt.
Eo vero tenpore, illi de parte Lanbertaciorum de Bononia, Imola et Bagnacavallo, qui
erant et habitabant in civitate Faventie, fecerunt comune ad invicem, et elegerunt potestates
et capitaneos guerre, et fuit eorum capitaneus dominus Guilielminus de Paçis Valdarni, miles
nobilis atque valens.
Et, quodam die mercurii VII exeunte aprili, sub annis Domini M.CC. LXXV, idem dominus
Guilielminus capitaneus, cum ducentis equitibus, minus XV de Bononia et Imola, et
cum CCC peditibus male armatis, ivit ad castrum Solaroli, causa capiendi et danpnum faciendi
ibidem. Et, eodem die, milites de parte Geremiorum de Bononia, cum toto eorum
exforcio, et cum domino Malatesta de Arimino, qui erat tunc eorum capitaneus, et cum Faventinis
extrinsecis, equitaverunt versus Faventiam, et venerunt usque ad pontem Sancti Çuliani,
ad unum seralium, quod Faventini intrinseci fecerant ibidem. Et illi, qui tenebant civitatem
Faventie, pedes et eques plurimi, iverunt usque ad dictum seralium de Sancto Çuliano,
causa defendendi dictum seralium, quod facere nequerunt; nam illi de parte Geremiorum,cum
aliis, qui cum eis erant, per vim et armata manu, aperuerunt seralium et intraverunt, facientes
retrocedere Faventinos intrinsecos; et tunc mortui fuerunt ibidem, in strata, de Faventia et
de aliis, qui habitabant Faventiam, XL homines de populo, et ex hoc fuit magna turbatio et
timor Faventie.
Eodem vero die mercurii, dominus Guilielminus capitaneus partis Lanbertaciorum, audito
quod milites de Bononia, cum eorum exforcio, venerant Faventiam, quamcicius potuit, cum suis
militibus et peditibus, quos secum duxerat ad Solarolum, venit ad pontem Sancti Proculi, et
|
|