"extra, exterior", "intra, interior", "infra, inferior", "citra, citerior",
"ante, anterior", "post, posterior", "prope, propior". 7 Sciendum
uero quod refertur comparatiuum ad positiuum singulare uel
plurale, ut "fortior forti" et "fortibus", uel ad comparatiuum
similiter, ut "fortior fortiori" et "fortioribus", uel ad superlatiuum
sic quoque, ut "fortior fortissimo" et "fortissimis". 8 Cum igitur
comparatiuum proprie ad positiuum fiat, ponitur tamen sepe per
se pro positiuo, ut "senior Acestes" pro "senex". 9 Aliquando
etiam "minus" significat et nulli comparatur, ut "tristior ibat" pro
"ex parte tristis". 10 Est quando ad contrarium comparatur et
minus positiuo significat, ut "melior Pilatus quam Iudas". 11 Hic
enim comparatio, non ad bonum sed ad malum facta, ostendit
Pilatum parum bonum - id est minus malum quam Iudam - esse.
12 Vnde et dicitur "melius illi fuerat si natus non fuisset homo
ille" et "mare Ponticum dulcius est quam cetera maria", id est
"minus amarum". 13 Et sciendum quod quedam comparatiua
apud Latinos diminutionem accipiunt, ut "grandiusculus",
|
|