Salimbene de Adam: Cronica

Pag 264


et:
Centrum capit circulus
et:
Quisquis cordis et oculi.
Et in illa sequentia:
Iesse virgam humidavit
delectabilem cantum fecit, et qui libenter cantatur, cum prius
haberet cantum rudem et dissonum ad cantandum. Litteram
vero illius sequentie fecit Ricardus de Sancto Victore, sicut et
multas alias fecit sequentias. Item in hymnis sancte Marie
Magdalene, quos fecit predictus cancellarius Parisiensis, scilicet:
Pange, lingua, Magdalene
cum aliis sequentibus hymnis, cantum delectabilem fecit. Item
de resurrectione Domini fecit sequentiam, litteram et cantum,
scilicet:
Natus, passus Dominus resurrexit hodie.
De fratre Vita Lucensi et de cantibus suis.
Secundum vero cantum, qui ibi est, id est contracantum,
fecit frater Vita ex Ordine fratrum Minorum de civitate Lucensi,
melior cantor de mundo tempore suo in utroque cantu,
scilicet firmo et fracto. Vocem habebat gracilem sive subtilem
et delectabilem ad audiendum. Non erat aliquis adeo severus,
qui non eum libenter audiret. Coram episcopis, archiepiscopis,
cardinahbus et papa cantabat, et libenter audiebatur ab eis.
Si quis loqueretur, cum frater Vita cantaret, statim Ecclesiastici
verbum resonabat ibidem, Eccli. XXXII: Non impedias
musicam
. Item si quando cantabat philomena sive lisignolus in

Torna all'inizio