omnes ab obsidione civitatis cum magno gaudio maximaque
leticia recessere.
Aliis autem omnibus domum revertentibus, Mediolanenses
et Pergamenses cum manganis et petreriis ad obsidendum
Tricii castrum, in quo imperator quendam suum equitem Teutonicum
Ruinus nomine dimiserat et ipsum castrum bene
et optime muro grossissimo ac turre altissima muniri fecerat
ac in ipso castro multas pecunias aliasque etiam divicias congregaverat,
valde leti perrexere.
Ipsoque etiam Martis die Lambertus in Laude procurator
imperatoris ac missus, et una cum comite Lantelmo de
Crema eiusque filiis et Ioanne de la Montagna atque
Bellone Piscenpulte, qui et de Curte etiam dicitur, tunc
consule de Papia, qui omnes in occursum Laudensium tunc
venerant, et una etiam cum Mediopresbitero de Summariva
et Mayfredo Morena et Petracio Moncio atque Airoldo
|
1
5
10
15
|