1. Legimus in libro Genesis, qui primus est in
omnibus libris, genuisse Abraam filium in senectute sua vocabulo
Ysaac, cui cum esset et ipse vir grandevus et anno etatis sexagenarius
gemini nati sunt, quorum primus Esau, sequens Jacob, qui
et Israel cognominatus est. Sane Jacob accepit uxores duas et earum
famulas duas, ex quibus plures filii orti sunt. Abraam iste patriarcha
patriarcharum designat ordinem, Ysaac apostolorum inchoatum
a Christo, duo filii Ysaac grecorum et latinorum episcopi. Filii Jacob
latinorum sunt ordines, quorum alii primogenite Lye, alii Rachelis,
alii anchillarum sunt filii, quia his quatuor modis distincti
sunt: filii Lye sunt hi qui predicationi invigilant, filii Zelfe hi qui
offitia ecclesiastica administrant, filii Rachelis hi qui relicto seculo
vitam monasticam elegerunt, filii Bale hi qui continenter vivunt et
prelatis cenobiorum obediunt. Porro ex his omnibus, velut e medio,
ascendit Joseph, qui dominatus est post multos annos in terra
Egypti, subiugavit Egyptios et ditavit Hebreos. Designat puer iste
castissimus ordinem monachorum, qui proprius est, ut dixi, Spiritus
sancti, inchoatus a beatissimo Benedicto, qui quidem venumdatus a
fratribus compulsus est diebus multis deservire Egyptiis; quia per
multa, ut notum est, tempora, ita mansit ordo ipse secularibus negotiis
occupatus, ut nequaquam iam Rachelis heres, hoc est, vite
spiritualis, sed Agar magis filius putaretur. Sed licet istud, erat tamen
|
|