... fratri suo religioso Stephanus.
Ut Deo et hominibus te exhibeas gratiosum, ad mores esto compositus,
in dilectione fervidus, in societate mansuetus, ad concordiam pronus, ad
patientiam fortis, in loquela modestus, in agendo strenuus, in responsionibus
circumspectus. Quinimmo, frater, exhibe te maioribus devotum,
minoribus blandum, equalibus mansuetum; superbis autem humilitate
resistas, ut humilium gratiam assequaris. Et ut viam qua gradiaris ad ista
te doceam, sic cum hominibus conversare, quasi Deus spectet desuper acta
tua, cui omnis voluntas loquitur in aperto. Et quod tibi a quoquam fieri
nolles, hoc aliis facere tu caveto.
... fratri suo Stephanus.
|
|