Hoc anno obiit dominus papa Iohannes vigesimus primus, divino iudicio Domini nostri,
existente in camara sua, que erat in volta quadam facta in pallacio pape, in civitate Viterbii;
et sic, stando ipso solo in ea, cecidit camara, et neminem alium offendit.
Millesimo ducentesimo septuagesimo septimo, indictione quinta. Dominus Stuldus de Florencia
potestas Bononie, dominus Manfredus de la Rosa de Mutina capitaneus in ultimis sex
mensibus. Hoc tenpore, die XVIII mensis iulii, dominus Napulionus de Toronello, Fuscus de
Monte Auliveto, et bene LX cavalcatorum de Faventia moverunt et equitaverent ad Saxadellum,
causa accipiendi castrum predictum; et, cum non potuissent accipere, retro terga vertentes,
audientes pulsari canpanas de Toronello ad strermitam et sturmum, illuc traxerunt, et
invenientes Ranbertum de Toronello cum quibusdam aliis equitibus ibidem, qui cum eo traxerant,
videntes magnam quantitatem militum de maxenata, que stabat Imole, Francixenorum,
qui erant L eques cum insignis, trunbis et tanburello, et post eos erant alii bene CC equites,
qui iam venerant usque prope ecclesiam de Toronello, et tunc ipse Ranbertus cum sua
gente viriliter expectans eos, venerunt predicti insultantes eos, dicentes: "Vos male venistis,
patareni ghibellini", et sic ceperunt invicem preliari: et, cum Napulionus et Fuscus et
alii, qui cum eis erant, fuerunt ad locum illum, videntes illos, fortiter clamaverunt: "A luro !
A luro"! Unde illi de Imola, visis insigniis eorum, incontinenti vertentes terga, ceperunt fugam,
et fuerunt in magno conflictu, ita quod, ex illis de illa maxenata franciscena, mortui
fuerunt gladio XXII, de melioribus, qui essent in ea, et XX equi mortui fuerunt, et XV ceperunt,
et Faventiam conduxerunt in prexoniam.
Millesimo ducentesimo septuagesimo octavo, indictione sexta. Dominus Manfredus de la
Rosa potestas; dominus Stultus de Florencia capitaneus Bononie. Hoc anno illustris et magnificus
vir dominus comes Guido de Montefeltro capitaneus comunis Forlivii, cum maxenata
et milicia dicti comunis et cum manganis et aliis edificiis, iverunt hostiliter, viriliter et
potenter ad Ranclam, eo quod illi de dicto castro revelaverant se dicto comiti et comuni
Forlivii, et dederant illud domino Rodulfino de Ganaçese et dominis de Valbona; et ibidem
fixerunt albergarias die XXII marcii, et, die mercurii tunc sequenti XXIII marcii, illi de ipso
castro venerunt ad mandata dicti domini comitis et comunis Forlivii, et reddiderunt eis castrum
illud, salvis eorum personis.
Infrascripti sunt versus conpilati per prudentem virum dominum Thomaxium iudicem
filium condam domini Laurentii iudicis de Faventia, de iudicibus et advocatis civitatis Faventie,
et ab honorem ipsorum.
|
|