VEL PETITIO
7 Sed quoniam sine libris convenienter studium haberi non potest, paternitatem vestram suppliciter deprecor, quatinus libros bone memorie magistri Gualfredi si aliter non potestis pretio adquiratis, et per presentem latorem michi dirigere laboretis.
4.
RESPONSIVA PATRIS AD FILIUM
1 Petrus pater, Guidoni filio, salutem cum benedictionis augmento, vel unam de supradictis.
EXORDIUM
2 Tuarum litterarum satis honesta locutio tuis petitionibus plene satisfacere modis omnibus persuasit.
velEXORDIUM
3 Postquam tuarum, fili karissime, decens et laudandum eloquium litterarum diligenter intelleximus, ilico siquidem tuas rationabiles postulationes executioni mandare incepimus.
EXORDIUM
4 Epistule tue series que religiosum animum et pie mentis studium continebat, non solum voluntatis tue nos fecit laudare propositum, verum etiam libenter invitavit plenarie si possemus tibi postulanti concedere.
5 Litterarum tuarum sermo commendandus ita, quod nobis scripsisti, nostris semper facit mentibus inherere, ut donec effectui manciparetur, nobis congruum quiescere nullatenus videatur.
NARRATIO PETITIO
6 Sed quoniam inpresentiarum tibi sicut optares satisfacere non valemus,
|
|