Iohannes Bononiensis: Summa notarie

Pag 692


g.
Quoniam appellacio interposita extra iudicium debet
denunciari illi contra quem interponitur, de qua notificacione
fit publicum instrumentum, necessarium est tradi
de huiusmodi certificacionibus certam formam.
A . Notificacio appellacionis.
In nomine domini amen.
Anno eiusdem etc. R de . . constitutus in presencia
P loci eiusdem coram me notario et testibus infra scriptis
denunciavit seu notificavit eidem P, se quandam appellacionem
in scriptura interposuisse a quadam sentencia, lata
per reverendum patrem dominum I dei gracia cantuariensem
archyepiscopum contra ipsum R pro ipso P in causa
quam idem P movet seu movere intendit eidem R super ..
re, scriptam manu mei notarii infrascripti, vel talis
notarii publici.
Cuius appellacionis tenor talis est: coram vobis reverendo
patre domino I dei gracia
etc. et ponatur totus tenor
appellacionis. deinde sic dicatur:

Quam quidem appellacionem seu eius copiam idem R
prefato P presencialiter tradidit, prefigens sibi ipsi terminum
duorum mensium a die interposite appellacionis
predicte ad conparendum in romana curia cum omnibus
actis et munimentis suis ad sequendum causam appellacionis
predictam, necnon denuncians ei ut in dicto termino
in curia romana conpareat, coram eo in causa huiusmodi
processurus.
B .
Non autem instrumento notificacionis prefixio termini
semper apponitur, set tunc tantum cum a iudice vel
a parte non est terminus in appellacione prefixus. nec necesse
est quod ponatur, nisi de propria voluntate fuerit appellantis,
quia persepe sine prefixione alicuius termini
appellatur.

Torna all'inizio