In nomine sanctę individuęque Trinitatis. nos omnes fratres cęnobii
Pharphensis Beatę Marię semper virginis post obitum domni abbatis Supponis
elegimus uno voto parique consensu domaum Berardum nostrum monachum
nutritum a puero in nostro cęnobio, quo digniorem atque honestiorem inter
nos neminem invenire quivimus. quapropter, domine imperator, vestram
flagitamus excellentiam, quatinus corroborare ac confirmare dignemini. vestrę
igitur sponsionis reminiscimini quam nostris fratribus promisistis cum
domno Supponi pastoralem virgam dedistis. et ut certum hoc, venerande
auguste, habeatis absque scrupulo dubietatis, nos omnes propriis manibus hęc
nomina subscripsimus.
Huic vero electioni inserta erant nomina confratrum, videlicet
Iohannis prępositi, et sacerdotum .XL., diaconorum trium, subdiaconorum
.XV., monachorum .XV., conversorum .VIIII., puerorum
duorum
|
|