Bene Florentinus: Candelabrum

Pag 221

libro VII


tempori et maris tranquilitati potes attribuere in hunc modum: (4) 'Florum primordia iam nascuntur, ver floribus terram pingit, tempus placidum nunc blanditur, procelle dormiunt, freta cessant, valles depresse iacent, montes erecti surgunt'.
18. (1) ALIUT EXEMPLUM.
(2) Similiter ea que sunt hominis ita potes hiemi commodare: 'Multos hiemis <predura> tirannis opprimit violenter, (3) cuius imperio nimbi contristant aerem, caligo diem excecat, aura parit procellas, nix claudit iter, medullas bruma transfigit, undas glacies incarcerat, humum grando flagellat'.
19. (1) ALIUT EXEMPLUM.
(2) Similem transuntionem sumis ab homine si vis loqui de tempore navigandi: 'Aquas aquilo non obiurgat, aerem auster non inebriat, solis radius quasi scopa lutosi aeris celum emundat, tempus sereno vultu pelago adulatur'.
20. (1) QUOMODO VILIS MATERIA EFFICIATUR GRAVIS PER TRANSUMPTIONEM.
(2) Potes ab homine similem transsuntionem sumere si vilem materia, sicut est fabrilis actus, cupias exornare, (3) hoc modo:

Torna all'inizio