26. Per unius obedientiam . Per obedientiam
Christi, justi sunt multi; vel quia obedientia hostiam
commendavit. Vel quia obedientia ad mortem Christum
perduxit. Fides autem mortis ejus,
justificavit.
27. Lex autem subintravit . Moris est divinarum
litterarum, ubi plures causae sunt, unam tantum
saepe enumerare, sicut in hoc loco: data est enim
lex, ut praedestinati ad vitam per legales observantias
salvarentur; praedestinati autem ad mortem,
per legis praevaricationem magis punirentur. Sed
illius causae hic tantum mentionem facit, per quam
Judaeos ex accepta lege superbientes humiliare
possit.
28. AMBROS. Lex autem subintravit . Apostolus
ostendit quid provenerit data lege, non quid lex
fecerit.
29. LANFR. Superabundabit gratia . Quasi diceret;
o Judaei! vos putatis quod Christus gentibus plus
dimiserit, sed quibusdam vestrum plus dimisit, quos
praevaricatores legis invenit.
30. Ut sicut regnavit , id est, praevaluit.
31. Ita et gratia regnet , id est, praevaleat
32. AMBROS. Gratia regnet . Regnat gratia per
justitiam, si accepta remissione, justitiam
sequamur.
33. Per justitiam , scilicet Christi.
CAP. VI.—1. LANFR. Qui enim mortui sumus
peccato , scilicet, in baptismo; in Christo Jesu , id
est, in fide Christi Jesu.
2. In morte ipsius , id est, sicut ille mortuus est
semel, et semper vivit, ita et nos semel peccato
moriamur, et in bene factis semper vivamus.
3. AMBROS. In morte ipsius . Cum baptizamur,
commorimur Christo; hoc est in morte ejus baptizari.
Illic enim peccata moriuntur.
4. LANFR. Consepulti enim . Designatio, quando
et cur in morte Christi baptizemur.
5. In novitate , id est, a vitiis resurgamus.
|
|