Pag 169

civium nostrorum in Teutonicam ivimus, ut ab imperatore castrum Manfredi
reedificandi licentiam impetraremus. Sed spe cassata redeunte anno Domini
MCLXXXVIII. Castrum- Leonis felicius inchoavimus. Anno vero Domini
MCLXXXVIIII. buzam Cremone, quam fecimus fabricari, ultra mare pro terre
subventione personis et rebus misimus honeratam. Eodem anno felicissimus
imperator V habens filios, Henricum inter ceteros primogenitum, quem fecerat
cesarem, Fredericum Suevorum ducem, Ottonem comitem, Chonradum et Philippum,
ducem athletam Christo, sed ceteros cum regno et regalibus cesari
conmendavit, et occidentale relinquens imperium pacatissimum et ordinatum, partes
his comitibus, hoc ordine et hoc, ut scribimus, omine adiit orientis. Exiens de
Alamania introivit in Ungariam, ubi dicitur habuisse XC milia pugnatorum; et ab Ungaro
rege honorifice receptus Ungariam pertransivit; premisitque ad imperatorem Constantinopolitanum
episcopum Monasteriensem et comitem Robertum de Nashu; qui eos detinuit et tres exercitus
ad introitum Burgarie, ut transitum impedirent, premisit. Erat autem ibi nemus itineris
IIII dierum, cuius viam artissimam [preses Burgarie] dissipavit, et in exitu nemoris munitionem
faciens preparavit se cum exercitibus cesarem impugnare. Sed nemore magno cum labore et
difficultate pertransito dux Suevorum, qui exercitum precedebat, munitionem destruxit et
magnam illorum multitudinem interfecit. Deinde civitatem que Philippis dicitur impugnantes
eam ceperunt.
Deinde Grecus imperator maximum Grecorum et Turclorum exercitum contra Romanum
imperatorem direxit, contra quos dux Suevorum, filius eius, acriter dimicans, eos
superavit et fugavit et intra quedam menia se recipientes maxima vi cepit et omnes occidit.
XII vero Turclos in quadam munitione, ubi se receperant, viriliter resistentes igne cremavit.
Ad hec Grecus imperator ad Romanum imperatorem misit honorabiles nuntios numero sedecim,
permittens securum transitum et indempnem. Licet igitur magnanimus imperator in
vindictam predictorum, que nequiter Grecus commiserat imperator, vellet Constantinopolim
impugnare, victus tamen consilio principum suadentium, ut ad Terram Sanctam ad
Christianorum festinaret auxilium, obsides petiit et obtinuit; qui eum Galipolim perducentes
transitum navigio procuraverunt. Transivit autem exercitus V diebus, dux prior, pater