(3) Amica est turpitudinis pars que non convenit suo toti.
(4) Abit in ruinam quodlibet edificium quod a Christo non recipit fundamentum.
(5) Annexa iniquitati promissio debet nullatenus adimpleri.
(6) Anxiatur mens nimium dum promissione trahitur futurorum.
(7) Accedere timens ad iudicem videtur iustitiam non habere
(8) Arcet nulla religio bonum die qualibet operari.
(9) Acri egestate male meritos iustissimum est torqueri.
(10) Alimenti subsidium trait ramus quilibet a radice.
(11) Amanda est infirmitas que carnem percutit set anime dat salutem.
(12) Amicitia est excellentissima que provenit a virtute.
(13) Avaritia est insatiabilis quia cupiditati nil sufficit nisi Deus.
(14) Aculeum detractionis virtutis puritas aspernatur.
(15) Amor est labilis quem caritatis non roborat fulcimentum.
(16) Beatus ante obitum nemo firmiter est dicendus.
(17) Beatior est qui nil possidet quam qui multa.
(18) Beatum efficit non temporalium rerum copia sed contemptus.
(19) Bis dari creditur donum celeriter elargitum.
(20) Bonus est qui non solum cavet offendere set prodesse nititur iniuria lacessitus.