Guido Aretinus: Liber mitis

Pag 132


Veneris, linguae cervinae et similium, vel cum decoctione violarum vel lacte seminum frigidorum. Item potes facere de prunis, oxypsillitico, monopisside, diamanna, <electuario> frigido Cophonis, diaceraseos et quibuscumque purgantibus coleram principaliter.
Sed electuarium de suco rosarum magis competit delicatis, quod suavius purgat et est delectabile in gustu, quod raro invenitur in reliquis solutivis. [105vb] Vel sume tres drachmas alicuius praedictorum et praepara cum decoctione
violarum, absinthii et prunorum, sicut docui superius de purgationibus flegmatis.Vel aliter, quando aliam paratam non habes medicinam: sume pomum aliquod usuale et fac concavitatem in medio ita, quod coronam pomi non abicias, et drachmam unam pulveris scammoniae electae intus pone, coronam reduc in locum suum bene stringendo et infige fustes aliquos, ut bene cohaereant, involve in argilla vel cinica ipsum posthac, coque diu, donec pasta quasi adiungatur, sub cineribus vel in furno, et abiecta scammonia pomum offeras ad modum. Vel munda pomum et diu tore in mortario cum zuccaro vel pennidiis, pulvere sandalorum, pauco sirupo violato, da ad modum electuarii: suavissime purgat et competit delicatis sine epatis calefactione. Si vero fuerit cum febre vel epatis calefactione, nobilibus istum pulverem
damus: recipe reubarbari electi, zuccari ana drachmas quattuor, sero da securiter cum frigida. Et nota, quod eubarbarum cum frigi-da28 plus laxat <quam> cum calida, provocat urinam et croceam reddit. Idem de reupontico, sed plus pone, quia minus laxat.Vel distempera dictum pulverem cum aliquo sirupo competenti violato et aqua frigida.
Vel purga cum hac nobilissima decoctione: <recipe> herbas frigidas, ordeum mundatum ad libitum, violarum, absinthii, prunorum ana unciam semis, bulliant in sero caprino et aqua vel sola aqua simplici, et in colatura resolvatur cassia fistula, manna, tamarindorum ana uncia una, et colentur per catinam perforatam. Seniori vero ponatur reubarbari uncia semis vel loco reubarbari tantundem mirobolani citrini in pauperibus sani pectoris in aqua rosata vel aqua simplici.
Antiqui ponebant hoc totum <per noctem>29 sub divo, ego vero exspecto per duas <horas> vel per tres, quia de illo divo nil ad me, et in delicatis loco reubarbari30 adiungo cassiam fistulam et aliis addendo

Torna all'inizio