Soracum est, quo ornamenta portantur scenicorum.
Sobrium vicum Romae dictum putant, vel quod in eo nulla
taberna fuerit, vel quod in eo Mercurio lacte, non vino subplicabatur.
Sons nocens; insons innocens.
Sodales dicti, quod una sederent et essent, vel quod ex suo
datis vesci soliti sint, vel quod inter se invicem suaderent,
quod utile esset.
Sodes si audes, uti sis pro si vis, et ilico pro in loco.
Terentius in Andria (85): “Dic, sodes, quis heri Chrysidem
habuit?”
Surum dicebant, ex quo per deminutionem fit surculus. Ennius
(Ann. 525): “Unus surus surum ferret, tamen defendere
possent.”
Suremit sumpsit (trag. inc. 235): “Inque manu suremit
hastam.” Suremnsit sustulerit.
|
|