loca et iudices, ac in eos conveniendum, alium vel
alios procuratores loco sui substituendum et revocandum
si expedire crediderit, et appellandum si opus fuerit, et
generaliter ad omnia et singula facienda et exercenda que
in premissis et circa premissa fuerint oportuna, ratum et
firmum habituri quidquid per dictum nostrum procuratorem
aut substitutum vel substitutos ab eo factum fuerit in
premissis et quolibet premissorum.
In cuius rei testimonium presentes litteras fecimus sigillo
nostri capituli roborari.
Datum Cantuarie in capitulo nostro in crastino assumpcionis
beate virginis, anno domini a nativitate m°. cc°. lxxxi.
e.
Anno domini a nativitate dicitur ad differenciam illorum
qui incipiunt annos domini ab incarnacione. unde in
terris ubi consuetudo est incipere annos domini ab incarnacione
non debet scriba dicere: anno domini a nativitate,
set anno domini ab incarnacione, ut servet consuetudinem
sue terre.
In curia romana incipiunt notarii: anno domini a nativitate.
curia tamen in privilegiis incipit annos domini
ab incarnacione, et renovat indictionem seu mutat octavas
kalendas octobris iuxta hos versus:
cum redit october, indictio fit nova semper.
quatuor atque tribus hiis est prelata diebus.
3.
Formis procuracionum ad inpetrandum positis, scribam
qualiter procuratores ad causas et etiam ad negocia debeant
ordinari.
Et est sciendum, quod sive actor sive reus constituat
procuratorem, bonum immo necessarium est quod semper
eum relevet ab onere satisdandi, ut possit tam in principali
negocio agere quam in causa reconvencionis defendere
si fuerit oportunum. que relevacio pluribus modis
fit, ut inferius apparebit.
|
|